13 августтан бөер ташы авыруы булган өлкәннәргә медицина ярдәме күрсәтү стандарты үз көченә керә

Медоешмалар бөерләрдә һәм сидек юлларында таш булган  пациентларны диагностикалауда, дәвалауда һәм диспансерда күзәтүдә стандартларны кулланырга тиеш.

Авыруларга планлы махсуслаштырылган яки беренчел медик-санитар ярдәм амбулатор яки стационарда күрсәтеләчәк. Тәмамланган очракны дәвалауның уртача вакыты - 365 көн.

Пациентларны диагностикалау һәм дәвалау барышында белгечләр, мәсәлән, нефролог, уролог карап чыгачаклар. Анализлар, шул исәптән сидек ташларының минераль составы билгеләнәчәк. Инструменталь тикшеренүләр үткәрәчәкләр: бөерләрнең УЗИ, күзәтү урографиясе (сидек бүлеп чыгару системасы рентгены) һ. б.

Дәвалау өчен файдаланылачак:

- оператив тыкшынулар, аерым алганда, уретеролитомия, нефролитомия;

- дарулар: цефтриаксон;

- имплантация өчен медизделияләр: полимер сидек юлы стент;

- дәвалау туклануы: стандарт диетаның төп варианты.

Хәбәр "КонсультантПлюс" белешмә-хокукый системасын кулланып, "РМБИЦ" ДАУ фондына кергән материаллар нигезендә әзерләнде.