Казан медицина көллиятендә тармак ветераннарын Халыкара өлкәннәр көне белән котладылар

2022 елның 6 октябре, пәнҗешәмбе

Казан медицина көллиятендә Халыкара өлкәннәр көненә, шулай ук укытучылар көненә багышланган тантаналы чара узды.

Бәйрәм чарасы ТР сәламәтлек саклау министры урынбасары Илдар Рәзин улы Фатыйхов катнашуында узды. Министр Марат Наил улы Садыйков һәм республиканың бөтен медицина җәмәгатьчелеге исеменнән ул ветераннарга сәламәтлек саклау тармагын үстерүгә керткән хезмәтләре өчен рәхмәт белдерде.